نسل پرستی کے خلاف/ جبرکے خلاف مقصد کا بیان

بیری کی خواتین اور بچوں کی پناہ گاہ نظام میں موجود نسل پرستی اور جبر کے خاتمے کیلئے پرعزم ہے۔ ہمارا مقصد شمولیت، مساوات اور ہر ایک کیلئے احترام والی ایک متنوع عالمی کمیونٹی ، تشکیل دینا ہے۔ ہر قسم کے امتیازی سلوک کو چیلنج کیا جائے گا اور اسے مشورہ دینے اور آگاہی دینے کے ایک موقع کے طور پر دیکھا جائے گا۔

عقائد

تمام افراد کو تشدد کی موجودگی اور خطرے سے آزاد زندگی گزارنے کا حق حاصل ہے۔

تمام افراد کو پُرامن اور پرورش کے ماحول میں رہنے کا حق حاصل ہے۔

ہر فرد کی انفرادی قوتیں اور وسائل تسلیم کئے جانے اور احترام کے مستحق ہیں۔

جب کافی اور مناسب مدد اور معلومات فراہم کی جائیں گی تو تمام افراد اپنی بہترین صلاحیت تک نشوونما پائیں گے۔

تمام افراد کی مساوات، وقار اور انفرادیت کو انفرادی اور سماجی دونوں سطحوں پر لازماً تسلیم کیا جانا چاہئے اور ان کی تائید کی جانی چاہئے۔

مقاصد

وومن اینڈ چلڈرن شیلٹر آف بیری میں ہم اس بات کو یقینی بنانے کی کوشش کرتے ہیں کہ ہماری تمام خدمات اور پروگرامز اندازے کے بغیر، غیر جابرانہ، غیر نسل پرستانہ، اور احترام کے ساتھ پیش کئے جائیں۔ اس مقصد کو حاصل کرنے کیلئے ہم:

• خواتین اور بچوں کیلئے ایک محفوظ اور معاون جگہ فراہم کرتے ہیں
• تمام پروگراموں اور خدمات کو خفیہ طریقے سے فراہم کرنے کا عہد کرتے ہیں
• خواتین اور بچوں کے حقوق کا احترام کرتے اور انہیں عزت دیتے ہیں
• خواتین کو ان کے آپشنز تلاش کرنے اور ان کے انتخاب کا احترام کرنے میں مدد دیتے ہیں
• مقامی، قومی اور عالمی سطح پر خواتین کیلئے مساوات کے حصول کیلئے کام کرتے ہیں
• تمام خدمات تک رسائی کو یقینی بناتے ہیں
• خواتین کے درمیان فرق اور تنوع کو تسلیم کرتے ہیں اور ان کا احترام کرتے ہیں
• کمیونٹی کے ممبران اور دیگر خدمات فراہم کرنے والوں کو خواتین کے خلاف تشدد کے بارے میں معلومات اورآگاہی فراہم کرتے ہیں۔

فلسفہ

وومن اینڈ چلڈرنز شیلٹر آف بیری ایک حقوق نسواں تنظیم ہے جو ان بہت سے جبر اور رکاوٹوں کو تسلیم کرتی ہے جن کا خواتین کو مقامی اور عالمی سطح پر سامنا کرنا پڑتا ہے۔ خواتین نے باہمی، سماجی، اور نظامی بدسلوکی کا سامنا کیا ہے اور وہ جاری ہے۔ ان کے پاس تعلیمی مواقع، معلومات، اور کمیونٹی کے وسائل تک رسائی کم ہے اور ان کا ہمارے معاشرے میں مردوں کی نسبت غربت میں رہنے کا امکان زیادہ ہے۔ خواتین کو کارپوریٹ اور سرکاری ڈھانچے میں کم نمائندگی دی جاتی ہے اور کم تنخواہ والی، کم حیثیت والی ملازمتوں میں ان کی نمائندگی زیادہ ہوتی ہے۔ امیگرینٹ، مقامی، اور فرانکوفون خواتین کو اضافی رکاوٹوں کا سامنا کرنا پڑتا ہے جیسے کہ معذور خواتین، غربت میں رہنے والی خواتین، بزرگ خواتین، اور ایل جی بی ٹی کیو کمیونٹی کی خواتین کو کرنا پڑتا ہے۔

ازدواجی پارٹنرکے ساتھ بدسلوکی غیر جانبدار صنف نہیں ہے۔ مرد تمام پُر تشدد جرائم کا ارتکاب کرتے ہیں اور عام طور پر خواتین یا لڑکیوں کے خلاف۔ انتیس فیصد پُر تشدد جرائم میں ایک مرد مجرم اور ایک مرد شکار ہوتا ہے۔ تمام پُر تشدد جرائم میں سے 13% خواتین کرتی ہیں جن میں سے 6% مردوں کے خلاف ہوتے ہیں۔ خواتین مردوں کے مقابلے میں اپنے پارٹنرز کے ہاتھوں شدید زخمی ہونے کا زیادہ امکان رکھتی ہیں اور انہیں طبی علاج کی ضرورت ہوتی ہے۔

خواتین اور بچوں کے خلاف تشدد مردانہ تسلط، طاقت اور کنٹرول کا زبردست اظہار ہے، اور ہمارے معاشرے میں موجود صنفی عدم مساوات کی عکاسی کرتا ہے۔ جب تک ہمارے معاشرتی نظام اور ادارے مردانہ تسلط کو برقرار رکھنے اور تحفظ فراہم کرنے میں شریک ہیں، صنفی بنیاد پر تشدد کم نہیں ہوگا اور یہ ہماری کمیونٹی میں خواتین کی زندگیوں میں ایک حقیقت بن کر رہے گا۔ دی ویمن اینڈ چلڈرنز شیلٹر آف بیری مقامی اور قومی سطح پر خواتین کے حقوق کی وکالت کرنے اور خواتین کے خلاف صنفی عدم مساوات، جنس پرستی اور تشدد کو برقرار رکھنے والے عقائد، رویوں اور نظاموں کو چیلنج کرنے کیلئے پُرعزم ہے۔